اجمل شعر في مدح الامام علي (ع)

الأربعاء يوليو 06, 2011 12:27 pm

اليكم شعر نائل المظفر

في مدح الامام علي امير المؤمنين

لاتنسو اضافة رد

اسألوني قبل ان يابوالحسن
عندي يا مولاي بعض ألأسئلة
الواحد بواحد إذا تضربه شيصير؟؟؟
غير واحد؟ ؟شو غلط بالمسئله؟؟؟
أنت كل واحد تضربه بذو الفقار
ينقسم نصين يطلع حاصلة!!!
وينطرح بس ينضرب ما ينجمع
شلون واحد والجمع ما يقبله؟؟؟
سيفك القانون بس محد رضاه
لأن أول سيف ينصف قاتله
وراسك القرآن بس محد قراه
وإنفتح بالسيف مو بالبسملة
يا فقير ومنزلك مثلك فقير
وما كو واحد أعلى منك منزله
الثقل بس ضربتك كلهن سراب
والذهب بس مذهبك كلهن طله
الله ما حطلك ملك للسيئات
ملكينك حسنات أمسجله
على جتافك ينعس ويغفه الملاك
وأنت ساجد للصبح بالنافلة
ما تنام مخدتك تسأل عليك
وتصبح من الشوق سجادة صله
المشكلة بلا حل تجيهم وإنتّ لا
الحل يجيك وما كو عندك مشكله
إنتّ ما ناطق حرف عن الهوى
يعني لازم حجيك إحنه إنرتله
إو والله لو ميت وحي بذاك الزمان
وينقص القرآن إنتّ اتكمله
ناقشوني عالبكي وماي السبيل
وأعتذر مولاي كالوا مهزله
راح أضم وجهي وعليك أبكي بإناء
حتى أراويهم دمعتي إمسبله
تعني قلة مرجلة دموع الرجال
بس عليكم تعني قمة مرجله
إنتّ من النور أصلك والله نور
يعني إنتّ والله تربطكم صله
ويا أمير الما ينصبونك أمير
صدقوا بهذا ألأمر مو مخطئين
لأن كَالولك عليهم ماتصير
وإنتّ يامولاي أمير((المؤمنين))
نّصّبوا غيرك ولكن ماحجيت
لأن ما محتاجهه ونقسم يمين
لو كنت محتاجهه ترد الزمان
وبحياته ينّصّبك طه ألأمين
وإنتّ رجّعت الشمس إم الحساب
يعني تكَدر يا علي إترجع السنين
مو أمير شلون جا ياهو ألأمير
ما إلك مولاي بالوادم قرين
وكلمن يحطونه غيرك مايصير
إنتّ أصلح لو يحطون الحُسين
وصّه بالثقلين من بعده الرسول
يعني قرآنه وعترته الطاهرين
العترة نسلك ياعلي وإنتّ الكتاب
يعني بس وحدك تعادل ثقلين
شنهي حجتهم علي وما نصبوك؟؟
جنت جاهل؟؟ لا يحيدر كاذبين
إنتّ مو جاهل جنت عمرك صغير
وجانوا إهمه كبار لكن جاهلين
وإنتّ باب الكل مدن علم الرسول
وهمه صاروا من خلالك عالمين
وطالما باب العلم إنتّ وقصير
يعني كانوا من يجوك مدنَكَين
يا إمام إنتّ أوّلي إبّدء الكتاب
الما قروا إنك ولي شربوا حميم
إنتّ باء البسملة ولو ما قروك
تصير(سم الله الرحمنالرحيم)
الدين ما يقبل غلط والشك حرام
الدين حجي الله رب العالمين
شلون أشك بعصمتك وإنتّ الرسول
وصّفّك قران ناطق يعني دين
يعني حبل الله ويكول إعتصموا بيه
شلون مو معصوم يعصم معصمين؟؟؟
لا يسيف الله غيرك ما كو سيف
حتى موتك هم ثبت للعالمين
بالصلاة ضربوك بس ساجد بقيت
وكان راسك منشطر نصف انشطار
ومثل سيفك سيدي شويه إنحنيت
وما تميز يا هو بيكم ذوالفقار